لاهور هاءِ ڪورٽ جي جج جسٽس محسن اختر ڪياني پنهنجي عهدي تان استعيفيٰ ڏئي ڇڏي آهي،محسن اختر ڪياني پنهنجي استعيفيٰ ۾ چيو آهي ته هن ذاتي سببن، صحت جي مسئلن ۽ ضمير جي آواز تي عهدو ڇڏڻ جو فيصلو ڪيو آهي
جسٽس محسن اختر ڪياني پنهنجي استعيفيٰ ۾ چيو آهي ته عدالتي ڪيريئر دوران هن 23 هزار کان وڌيڪ ڪيسن جا فيصلا ڪيا، جڏهن ته 26هين ۽ 27هين آئيني ترميمن هاءِ ڪورٽن جي آزادي ۽ اداري جي خودمختياري کي متاثر ڪيو آهي
هن موقف اختيار ڪيو ته عدالتي آزادي ۽ انصاف جي عمل تي عوامي اعتماد کي سخت نقصان پهتو آهي
استعيفيٰ ۾ جسٽس محسن اختر ڪياني لکيو آهي ته موجودا حالتن ۾ جج جي حيثيت سان پنهنجون ذميواريون جاري رکڻ لاءِ سندس ضمير اجازت نٿو ڏئي. هن چيو ته هو ٻيهر وڪالت جي شعبي ۾ واپس اچي عوام جي حقن جي تحفظ ۽ قانوني شعور اجاگر ڪرڻ لاءِ ڪم ڪندو.
ياد رهي ته جسٽس محسن اختر ڪياني کي 23 ڊسمبر 2015ع تي اسلام آباد هاءِ ڪورٽ جو جج مقرر ڪيو ويو هو. هلندڙ سال اپريل ۾ جوڊيشل ڪميشن سندس اسلام آباد هاءِ ڪورٽ مان لاهور هاءِ ڪورٽ بدلي جي منظوري ڏني هئي