آءِ ايس پي آر جو چوڻ آهي ته سڪيورٽي فورسز گوادر ۾ دهشتگردي جي ڪوشش کي ناڪام بڻائي ڇڏيو،10 دهشتگرد مارجي ويا
گبد بارڊر ڪراسنگ ۽ گوادر شهر ۾ ڀارتي سرپرستي ۾ دهشتگردي جي ڪوشش ناڪام بڻائي وئي
آءِ ايس پي آر موجب سڪيورٽي فورسز گوادر شهر ۽ ڀرپاسي وارن علائقن ۾ ڪليئرنس آپريشن ۾ عورت سميت 10 دهشتگردن کي ماري ڇڏيو
آءِ ايس پي آر موجب دهشتگردن جي حملي ۾ هڪ شهري به شهيد ٿيو ۽ ڪجهه گاڏين کي نقصان پهتو، آپريشن دوران سڪيورٽي فورسز جو ڪوبه جاني نقصان نه ٿيو
آءِ ايس پي آر جو چوڻ آهي ته دهشتگردن جو مقصد بلوچستان جي ترقي ۽ خوشحالي جي راهه ۾ رنڊڪون وجهڻ هئو
آءِ ايس پي آر موجب دهشتگردن جي رياستي عملداري کي چئلينج ڪرڻ جي ڪوشش ناڪام بڻائي وئي ۽ گوادر ۾ آپريشنز مڪمل ڪري امن امان ۽ رياست عملداري بحال ڪئي وئي
آءِ ايس پي آر جو چوڻ آهي ته عورت کي حملي ۾ زبردستي استعمال ڪرڻ بلوچ عورتن جي حرمت جي خلاف آهي، دهشتگرد بلوچ عورتن کي پروپيگنڊا ۽ عوامي جذبات ڀڙڪائڻ جي لاءِ استعمال ڪري رهيا آهن،بلوڇستان جو عوام پنهنجي نالي تي رت وهائڻ وارن عنصرن کي رد ڪندو آيو آهي
بيان ۾ وڌيڪ چيو ويو آهي ته عزم استحڪام تحت دهشتگردن جي خاتمي لاءِ ڀرپور مهم جاري رهندي ملڪ ۾ ٻاهرين پٺڀرائي تي هلندڙ دهشتگردي جي خاتمي لاءِ پر عزم آهيون