ايراني ميڊيا موجب سامونڊي واپار جي بحالي لاءِ دوحا ۾ ايراني ۽ قطري اختيارين وچ ۾ ڳالهيون ٿيون، جنهن کان پوءِ ٻنهي ملڪن وچ ۾ پنجن مهينن کان پوءِ سامونڊي واپار ٻيهر بحال ڪيو ويو آهي.
ايراني اختيارين موجب ايران جي دير بندرگاهه ۽ قطر جي الرويس بندرگاهه وچ ۾ جهازن جي اچ وڃ ٻيهر شروع ٿي وئي آهي.
رپورٽن موجب قطر هر قسم جي سامونڊي جهازن ۽ ٻيڙين لاءِ سامونڊي آمدرفت ٻيهر شروع ڪرڻ جي اجازت ڏئي ڇڏي آهي.
قطر جي ٽرانسپورٽ واري وزارت آپريٽرن کي لاڳو سامونڊي ضابطن ۽ هدايتن تي مڪمل عمل ڪرڻ جي هدايت ڪئي آهي.
واضح رهي ته 29 جون تي بادباني ۽ مڇي مارڻ وارين ٻيڙين جي اچ وڃ عارضي طور معطل ڪئي وئي هئي، جڏهن ته واپاري سامونڊي جهازن تي اها پابندي لاڳو نه هئي.
هي قدم علائقي ۾ فوجي ڪاررواين دوران هڪ قطري شهري جي فوت ٿيڻ جي اعلان کان هڪ ڏينهن پوءِ کنيو ويو.