لاهور (ويب ڊيسڪ) اداڪارا ۽ سوشل ميڊيا اسٽار دنانير مبين جي هڪ مزاحيه انسٽاگرام اسٽوري سوشل ميڊيا تي دلچسپ بحث ڇيڙي ڇڏيو آهي.
گاڏيءَ جو ٽائر پنڪچر ٿيڻ کانپوءِ اداڪارا هڪ مزاحيه تبصرو ڪيو، جنهن تي ڪجهه واهپيدارن ان کي کل ڀوڳ قرار ڏنو، جڏهن ته ٻين ان کي خودمختاريءَ جي حوالي سان بحث جو موضوع بڻائي ڇڏيو.
دنانير مبين تبصرو ڪندي چيو ته سفر دوران سندس گاڏيءَ جو ٽائر پنڪچر ٿي ويو، جنهن کانپوءِ هن مدد لاءِ ريسڪيو اهلڪارن سان رابطو ڪيو. مسئلو حل ٿيڻ تي هن پنهنجي مخصوص انداز ۾ لکيو ته ”ٽائر پنڪچر ٿيڻ کانپوءِ منهنجي دل آزاد ۽ خودمختيار رهڻ نٿي چاهي.“
اداڪاره پنهنجي پوسٽ ۾ لکيو ته هاڻ سندس دل چاهي ٿو ته ڪو سندس خواهشون پوريون ڪري، سندس خيال رکي، جڏهن ته هوءَ بي فڪر ٿي ٻيلن جي سير ڪري.
ان کانسواءِ هن وقت سر مدد فراهم ڪندڙ ريسڪيو اهلڪارن جا ٿورا پڻ مڃيا.
هي انسٽاگرام اسٽوري وائرل ٿيندي ئي سوشل ميڊيا تي بحث شروع ٿي ويو.
ڪيئي واهپيدارن ان کي مذاق قرار ڏيندي دنانير جي حسِ مزاح کي ساراهيو، جڏهن ته ڪجهه واهپيدارن جو چوڻ هو ته جيڪڏهن ڪا عورت پاڻ گاڏي هلائي ٿي ته کيس ٽائر تبديل ڪرڻ به اچڻ گهرجي.
ٻئي پاسي ڪيترن ئي واهپيدارن ان موقف سان اختلاف ڪندي چيو ته ڪنهن ڏکئي وقت ۾ ٻين کان مدد وٺڻ يا ڪنهن تي ڀاڙڻ خودمختاريءَ جي خلاف ناهي.
ڪجهه ماڻهن اهو سوال به اُٿاريو ته هڪ مزاحيه پوسٽ کي غير ضروري طور سنجيدگيءَ سان ڇو ورتو پيو وڃي.
ياد رهي ته دنانير مبين 2021ع ۾ پنهنجي مشهور وائرل وڊيو ”پاوري هو رهي آهي“ ذريعي شهرت ماڻي ڪئي، جنهن کانپوءِ هن ”صنفِ آهن“ سميت ڪيترن ئي ڪامياب ڊرامن ۾ اداڪاريءَ جا جوهر ڏيکاريا آهن.
"پاڪستان معاشي چئلينجز کي منهن ڏئي رهيو آهي جڏهن ته حڪومت نئين پاليسين تي ڪم ڪري رهي آهي. موسميات کاتي سنڌ ۽ پنجاب ۾ وڏي ملهه جي اڳڪٿي ڪئي آهي. راندين ۾، قومي ڪرڪيٽ ٽيم ايندڙ سيريز جي تياري ڪري رهي آهي. صحت جي حوالي سان، وڏن شهرن ۾ موسمي فلو جا نوان ڪيس رپورٽ ٿي رهيا آهن. ان سان گڏ، ڪراچي ۽ لاهور ۾ آئي ٽي شعبي تيزي سان وڌي رهيو آهي. تازين تازه ڪارين لاءِ اسان سان ڳنڍيل رهو."