اسلام آباد(ويب ڊيسڪ) سپريم ڪورٽ 71 سال پراڻي وراثتي تڪرار واري ڪيس ۾ ماءُ ۽ ڀينرن کي ملڪيت ۾ حصو ڏيڻ جو حڪم ڏئي ڇڏيو.
سپريم ڪورٽ جي جسٽس شاهد بلال حسن 13 صفحن تي ٻڌل فيصلو لکيو، جيڪو لاهور رجسٽري ۾پڙهي ٻڌايو ويو.
عدالت عورتن جي وراثتي حقن بابت فيصلو ڏيندي هاءِ ڪورٽ ۽ ٽرائل ڪورٽ جا فيصلا ڪالعدم قرار ڏئي ڇڏيا ۽ 71 سالن کانپوءِ ڀينرن ۽ ماءُ کي ملڪيت ۾ حصو ڏيڻ جو حڪم ڏنو.
فيصلي ۾ چيو ويو آهي ته عورتن جي وراثتي حقن جو تحفظ رڳو رياست جي ذميواري ناهي، سول سوسائٽي، عالمن، روينيو اختيارين ۽ قانوني ماهرن کي انهن حقن کان انحراف روڪڻ گهرجي.
ملڪيت ۾ حصو عورتن جو شرعي ۽ قانوني حق آهي، تنهنڪري عورتن کي شرعي ۽ قانوني وراثتي حقن کان محروم رکڻ غير آئيني ۽ غيراسلامي آهي.
فيصلي ۾ وڌيڪ چيو ويو آهي ته جعلي هبو، فراڊ ۽ خانداني دٻاءُ سان عورتن جا وراثتي حق ختم نٿا ٿي سگهن، عورتن جي وراثتي حقن جي معاملي تي عدليا کي چوڪس رهڻ گهرجي.
واضح رهي ته 1955ع ۾ پيءُ جي وفات کانپوءِ ٻن ڀائرن ملڪيت پنهنجي نالي منتقل ڪرائي ورتي هئي ۽ زباني هبي کي بنياد بڻائي ماءُ ۽ ڀينرن کي ملڪيت کان محروم ڪري ڇڏيو هو.
فيصلي موجب، ٽرائل ڪورٽ، اپيلٽ ڪورٽ ۽ هاءِ ڪورٽ جا فيصلا حقيقتن ۽ قانون جي ابتڙ آهن.
هاءِ ڪورٽ موجب، زباني هبي کي ڪيترن ئي ڏهاڪن تائين چئلينج نه ڪيو ويو هو، پر رڪارڊ موجب ڪيترن ئي سالن تائين ماءُ ۽ ڀينرن کي زمين جي آمدني مان حصو ملندو رهيو، جنهن مان اهو واضح ٿئي ٿو ته ماءُ ۽ ڀينرن کي هبي کان اڻڄاڻ رکيو ويو هو.
"پاڪستان معاشي چئلينجز کي منهن ڏئي رهيو آهي جڏهن ته حڪومت نئين پاليسين تي ڪم ڪري رهي آهي. موسميات کاتي سنڌ ۽ پنجاب ۾ وڏي ملهه جي اڳڪٿي ڪئي آهي. راندين ۾، قومي ڪرڪيٽ ٽيم ايندڙ سيريز جي تياري ڪري رهي آهي. صحت جي حوالي سان، وڏن شهرن ۾ موسمي فلو جا نوان ڪيس رپورٽ ٿي رهيا آهن. ان سان گڏ، ڪراچي ۽ لاهور ۾ آئي ٽي شعبي تيزي سان وڌي رهيو آهي. تازين تازه ڪارين لاءِ اسان سان ڳنڍيل رهو."