تهران (ويب ڊيسڪ) اڳوڻي ايراني سپريم ليڊر شهيد آيت الله خامنه اي جي تدفين ۽ جنازي نماز جو شيڊيول جاري ڪيو ويو آهي.
ايراني سرڪاري ميڊيا موجب، شهيد آيت الله علي خامنه اي جي آخري رسمن بابت شيڊيول جاري ڪيو ويو آهي.
رپورٽن موجب، 4 ۽ 5 جولاءِ تي الوداعي تقريبون ڪوٺايون وينديون، جڏهن ته 6 جولاءِ تي تهران ۾ جنازي نماز ادا ڪئي ويندي.
ايراني ميڊيا جو چوڻ آهي ته 7 جولاءِ تي قُم شهر ۾ به جنازي نماز ٿيندي، جڏهن ته 9 جولاءِ تي مشهد ۾ جلوس ڪڍيو ويندو ۽ تدفين امام رضا جي روزي ۾ ڪئي ويندي.
ٻئي پاسي ايراني حڪومت طرفان آمريڪي ۽ اسرائيلي حملي ۾ آيت الله علي خامنه اي جي شهادت کانپوءِ سندس آخري رسمن جي موقعي تي 6 جولاءِ تي سڄي ملڪ ۾ عام موڪل جو اعلان ڪيو ويو آهي.
رپورٽن موجب، ايراني حڪومت جي ترجمان جي حوالي سان چيو ويو آهي ته 8 جولاءِ تي سڄي ملڪ ۾ سوڳ ڏهاڙو به ملهايو ويندو.
واضح رهي ته ايراني سپريم ليڊر آيت الله علي خامنه اي 28 فيبروري تي ايران تي ٿيل آمريڪي ۽ اسرائيلي حملي دوران شهيد ٿي ويو هو.
ذريعن موجب، وزيراعظم شهباز شريف جولاءِ جي پهرئين هفتي دوران ايران جو دورو ڪندو ۽ آيت الله علي خامنه اي جي جنازي نماز ۾ شرڪت جو امڪان آهي.
رپورٽن ۾ اهو به چيو ويو آهي ته ايران جي دوري کانپوءِ وزيراعظم ترڪيه جو به دورو ڪندو.
هوڏانهن پاڪستان پيپلز پارٽي جي چيئرمين بلاول ڀٽو زرداري جي به آخري رسمن ۾ شرڪت جو امڪان آهي، جڏهن ته ايراني پارليامينٽ جي اسپيڪر محمد باقر قاليباف قومي اسيمبلي جي اسپيڪر سردار اياز صادق کي خط لکي آخري رسمن ۾ شرڪت جي دعوت ڏني آهي.
"پاڪستان معاشي چئلينجز کي منهن ڏئي رهيو آهي جڏهن ته حڪومت نئين پاليسين تي ڪم ڪري رهي آهي. موسميات کاتي سنڌ ۽ پنجاب ۾ وڏي ملهه جي اڳڪٿي ڪئي آهي. راندين ۾، قومي ڪرڪيٽ ٽيم ايندڙ سيريز جي تياري ڪري رهي آهي. صحت جي حوالي سان، وڏن شهرن ۾ موسمي فلو جا نوان ڪيس رپورٽ ٿي رهيا آهن. ان سان گڏ، ڪراچي ۽ لاهور ۾ آئي ٽي شعبي تيزي سان وڌي رهيو آهي. تازين تازه ڪارين لاءِ اسان سان ڳنڍيل رهو."